मंसिर ४,एजेन्सी । भारतको बिहार सरकारका एक मन्त्रीले पद सम्हालेको अढाइ घण्टामा नै राजीनामा दिएका छन् ।
नीतीश कुमारको क्याबिनेटमा शिक्षामन्त्री नियुक्त भएका मेवालाल चौधरीले पदबाट राजीनामा दिएका हुन् । चौधरी आजै कार्यलय पुगी पदभार सम्हालेका थिए । बिहीबार दिउँसो पौने १ बजे शिक्षा विभाग पुगेका उनले त्यसको साँढे दुई घण्टापछि राज्यपालसमक्ष राजीनामा बुझाएका हुन् ।
बिहारको कृषि विश्वविद्यालयका पूर्व उपकुलपति रहेका थिए । त्यस बेला उनले कर्मचारी नियुक्तीका लागि भएको परीक्षामा भ्रष्टाचार गरेका आरोप लागेको थियो । यसै कारणले उनले पद पनि गुमाएका थिए । यसै काण्डका कारण २०१७ मा नीतीशको दल जनता दल युनाइटेडबाट चौधरी निलम्बित भएका थिए ।
अहिले जनता दल युनाइटेडले नै चौधरीलाई शिक्षामन्त्री नियुक्त गर्न सिफारिस गरेको थियो । आफूमाथि लागेको भ्रष्टाचारको आरोपका कारण आफू शिक्षामन्त्री पदमा नहरने मनसाय बनाएको उनले बताएका छन् ।
बुधबार उनले मुख्यमन्त्री नीतीश कुमारलाई भेटेका थिए । चौधरीलाई शिक्षामन्त्री बनाइएपछि विपक्षी दलले बिहार सरकारको तीब्र आलोचना गरेको थियो ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम