असोज २१,सिन्धुली। कर्मचारीमा कोरोना भाईरसको सङ्क्रमण पुष्टि भएपछि जिल्ला अस्पताल सिन्धुलीले आफ्नो सेवा प्रवाह रोकेको छ । यद्यपी आकस्मिक र प्रसुति सेवा भने नरोकिने अस्पतालले जनाएको छ ।
अस्पतालमा उपचारका क्रममा सेवाग्राहीलाई समेत कोरोना सङ्क्रमण हुनसक्ने भएकाले आपत्कालीन बाहेकका अरु सेवा बन्द गरेको अस्पताल प्रशासनले जनाएको छ ।
अस्पताल विकास समितिका अध्यक्ष प्रल्हाद पोखरेलले जिल्लामा कोरोना भाइरस सङ्क्रमित बढ्दै गएको र यसबाट अस्पतालका कर्मचारी पनि सङ्क्रमित भएकाले अर्को सूचना जारी नहुञ्जेलसम्म अस्पतालको आकस्मिक र प्रसूतिबाहेक सम्पूर्ण सेवा बन्द गरिएको बताए ।
हालसम्म सिन्धुली अस्पतालमा कार्यरत ९ जनामा कोरोना सङ्क्रमण पुष्टि भएको छ । उनिहरुमध्ये ७ जना निको भइसकेको र दुई जना आइसोलेसनमै रहेको पोखरेलले जानकारी दिए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम