असोज २०,काठमाडौँ । प्रदेश २ को राजधानी जनकपुरका विद्यालयहरु आजबाट सञ्चालनमा आउदै छन् । कोरोना संक्रमण दर तीब्र रुपमा फैलिएको भएपनि जनकपुरमा आज (मंगलबार) बाट विद्यालयहरु सञ्चालनमा आउने भएका हुन् ।
जनकपुरधाम उपमहानगरपालिकाले कोरोनाका कारण चैत देखि बन्द रहेको शैक्षिक संस्थाहरु मंगलबारदेखि सञ्चालन गर्ने निर्णय गरेको हो ।
सोमबार बसेको बैठकले स्वास्थ्य सुरक्षा मापदण्ड पुरा गरी नगरक्षेत्रमा रहेको स्कुलहरु सञ्चालनमा ल्याउने निर्णय गरेको थियो।
संघीय सरकारले तोकेको मापदण्ड तथा निर्देशिकाको शर्तहरू पालना गर्ने शर्तमा ६ देखि १२ कक्षासम्मका विद्यालयमा मंगलवारदेखि पठनपाठन सञ्चालन गर्ने निर्णय गरिएको नगरपालिकाले जनाएको छ ।
त्यस्तै, शिशु कक्षा र बाल विकासका शिक्षक/शिक्षिकाले विद्यार्थीको घरघर पुगेर ‘होम स्कूलिङ’ गराउने निर्णय गरिएको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम