असोज १३,काठमान्डौ । बलिउड अभिनेता सोनु सुदलाई यूनाइटेड नेशन डेभलपमेन्ट प्रोग्राम ९यूएनडिपी०ले अवार्ड प्रदान गरेको छ।
अभिनेता सोनुले लकडाउनका समयमा पुर्याएको योगदानहरूको सम्मान स्वरुप ‘स्पेसियल ह्युम्यानिटेरियन एक्सन अवार्ड’ दिइएको बलिउड हंगामाले जनाएको छ ।
कोरोना भाइरस महामारीको समयमा अभिनेता सोनु सुद राहत वितरणदेखि लकडाउनबाट प्रभावितहरुको उद्धारमा खटे । उनले निम्न आय भएका जेहेनदार विद्यार्थीका लागि छात्रवृत्ति योजना समेत घोषणा गरेका छन्। कोभिड–१९का कारण रोजगार गुमाउन पुगेका भारतका हजारौ युवा युवतिलाई उनले रोजगारको समेत प्रयास गरिरहेका छन् ।
कृषकलाई ट्याक्टर उपलब्ध गराउनुका साथै सोनुले बाढिमा आफ्नो पशु गुमाएका किसानलाई लैनो भैसी समेत उपहार दिएका थिए । महामारीको समयमा भारतिय जनताको नजिक रहेका सोनुलाई रियल लाईफ हिरो मान्न थालेका छन् ।
सोनुका शुभचिन्तकले उनको मुहार ट्याटुमा खोपे। उनकै प्रेरणामा आन्ध्र प्रदेश राज्यको विजियनगरम जिल्लाका युवाहरूले गाउँमा सडक समेत निर्माण गरेका छन् ।
महामारीमा उनले पुर्याएको आर्थिक एवं भावनात्मक सहयोगको सम्मान स्वरुप सोमवार आयोजित भर्चुल समारोहमा अवार्ड प्रदान गरिएको हो ।अवार्ड बारे सोनुले भनेका छन्,’संयुक्त राष्ट्र संघबाट सम्मानित हुनु मेरो लागि विशेष करा हो। मैले थोरै गरेको छु। जति गरेको छु मैलै आफ्नै बुतामा इमानदार भएर गरेको छु।‘
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम