विराटनगर । विराटनगर महानगरपालिकाका प्रमुख प्रशासकीय अधिकृत इन्द्रमणि पोखरेललाई कोरोना संक्रमण भेटिएको छ । कोरोनाको लक्षण देखिएपछि पीसीआर परीक्षण गर्न शनिबार स्वाब दिएका उनको रिपोर्ट आइतबार पोजेटिभ आएको हो ।
परिक्षण गर्दा पोखरेलको रिपोर्ट पोजेटिभ आएपछि महानगरका अधिकांश कर्मचारी होम क्वारेन्टाइन मा बसेका छन् । प्रमुखको सम्पर्कमा रहेकाको पीसीआर परीक्षणको तयारी भइरहेको मेयर भीम पराजुलीले बताए ।
भोलिबाट कार्यालयको अत्यावश्यक बाहेकका सेवा पाँच दिन बन्द गरिने जानकारी उनले दिए । यसअघि विराटनगर महानगरपालिका–५ का वडा अध्यक्ष मीनकुमार आचार्य र विराटनगर–२ का वडा अध्यक्ष कुमार पोखरेलमा कोरोना पुष्टि भइसकेको छ ।
विराटनगर महानगरभित्र हालसम्म एक हजार तीन सय ६४ जनालाई संक्रमण पुष्टि भइसकेको छ । १७ जना संक्रमितको मृत्यु भइसकेको छ । तीन सय ५० जना उपचारपछि डिस्चार्ज हुँदै कोरोना मुक्त भइसकेका छन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम