कपिलवस्तु, २३ भदौ । कोरोना संक्रमणका कारण कपिलवस्तुमा एक पत्रकारको मृत्यु भएकोछ । सोमबार दिउँसो अचानक स्वास्थ्यमा समस्या देखिएपछि उनलाइ उपचारका लागि तौलिहवास्थित जिल्ला अस्पताल लगिएको थियो । उनको अस्पतालमै मृत्यु भएको हो ।
६२ वर्षे पत्रकार ५ महिनायता मृर्गौलाको नियमित डाईलासिस गराउँदै आएका थिए । उनी उच्च रत्तचाप र मधुमेहका बिरामी पनि थिए । भाद्र ८ गते उनको परिवारमा एक जनालाई कोरोना भाइरस संक्रमण पुष्टि भएको थियो । ११ गते परिवारका ८ जनाको स्वाब संकलन गरिएको थियो । उनको पिसिआर रिपोर्ट ताकेता गरेर मगाइएको थियो । मृत्युपछि उनको रिपोर्ट पोजेटिभ आएको प्रजिअ दीर्घनारायण पौडेलले बताए ।
परिवारका अन्य सदस्यको भने रिपोर्ट आएको छैन । २ दशक अघिदेखि उनी सञ्चारकर्ममा सक्रिय थिए । पत्रकार महासंघ जिल्लाका पूर्व उपाध्यक्ष तथा पत्रकार महासंघका केन्द्रीय पार्षद थिए । जिल्लामा कोरोना संक्रमणबाट ५ जनाको मृत्यु हुन पुगेकोछ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम