साढे ४० हजार संक्रमित हुँदा २२ हजारले जिते कोरोना !

कोरखबर १६ भदौ, २०७७

१६ भाद्र, काठमाडौं । नेपालमा मंगलबार थप १ हजार ६९ जनामा कोरोना भाइरसको संक्रमण पुष्टि भएको छ । यो सँगै नेपालमा कोरोना संक्रमितको संख्या ४० हजार ५ सय२९ पुगेको छ । त्यस्तै कोरोना संक्रमणका कारण २ सय ३९ जनाको मृत्यु भएको छ । मंगलबार थप ११ जनाको कोरोनाकै कारण मृत्यु भएको पुष्टि भएसँगै ज्यान गुमाउनेको संख्या २३९ पुगेको हो ।

यसैविच २२ हजार भन्दा बढि कोरोना संक्रमित निको भएर घर फर्किएका छन् । स्वास्थ्य तथा जनसंख्या मन्त्रालयको तथ्यांक अनुसार मंगलबारसम्म २२ हजार १ सय ७८ जना कोरोना संक्रमित कोरोनालाई जितेर घर फर्किएका हुन् ।

पछिल्लो २४ घण्टामा देशभरका ७ सय ६८ जना कोरोना संक्रमणमुक्त भएसँगै निको हुनेको संख्या २२ हजार १७८ पुगेको हो । तथ्यांकअनुसार कुल संक्रमित मध्ये निको हुनेको संख्या ५५ प्रतिशत हुन आँउछ ।