विविसी- अगस्ट महिनामा भारतमा संसारकै सबैभन्दा बढी कोरोनाभाइरस सङ्क्रमण फेला परेको पुष्टि भएको छ। भारतमा गत महिना झन्डै २० लाख सङ्क्रमित थपिएका छन् जुन महामारी सुरु भएयता कुनै पनि देशमा एक महिनामा थपिएको सबैभन्दा ठूलो सङ्ख्या हो।
मृत्युका सङ्ख्याले पनि अगस्ट सबैभन्दा नराम्रो महिना रह्यो र त्यहाँ २८,००० जनाको मृत्यु भयो। अमेरिका र ब्रजिलपछि भारत सबैभन्दा बढी सङ्क्रमण भएको देश भएको छ। त्यहाँ ३६ लाख जनालाई सङ्क्रमण भएको पुष्टि भइसकेको छ।
मार्चमा सुरु गरिएको लकडाउनका कारण अर्थतन्त्रमा नराम्रो प्रभाव परेर लाखौँको रोजगारी खोसिएपछि भारतमा अहिले प्रतिबन्धहरू खुकुलो छन्। अगस्टमा भारतमा प्रतिदिन ६४,००० को दरले सङ्क्रमण बढेको थियो जुन जुलाईको भन्दा ८४ प्रतिशतले बढी हो। अमेरिकामा अगस्टमा प्रतिदिन ४७,००० सङ्क्रमित थपिएका थिए।
उत्तर प्रदेश, झारखण्ड, छत्तिसगढ र ओडिशा राज्यहरूमा ह्वात्तै सङ्क्रमित बढेका हुन्। भारतको 'हटस्पट' भनिएको महाराष्ट्रमा सबैन्दा बढी आठ लाख सङ्क्रमित छन्। भारतमा पर्याप्त मात्रामा परीक्षण हुन नसकेकोले कोरोनाभाइरस नियन्त्रणमा आउन नसकेको बताइन्छ। त्यहाँ प्रति १० लाखमा ३२,००० जनाको परीक्षण गरिएको छ। भारतमा निको हुने दर भने ७७ प्रतिशत र मृत्युको दर दुई प्रतिशतभन्दा कम रहेको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम