१३ भदौ, बुटवल । लुम्बिनी मेडिकल कलेज पाल्पामा उपचाररत एक कोरोना संक्रमित महिलाको मृत्यु भएको छ ।
पाल्पाको तानसेन नगरपालिका–८ मदनपोखरा घर भएकी ३० वर्षीया महिलाको मृत्यु भएको अस्पतालले पुष्टि गरेको हो । स्वास्थ्यमा समस्या भएपछि भदौ ५ गते मेडिकल कलेज गएकी उनमा कोरोनासँग मिल्दोजुल्दो लक्षण देखिएपछि स्वाब परीक्षण गरिएको थियो । भदौ ७ गते उनमा कोरोना पुष्टि भएको थियो ।
कोरोना देखिएपछि उनी सोही दिनदेखि अस्पतालको आइसोलेसनमा उपचाररत थिइन् । स्वास्थ्य अवस्था जटिल बन्दै गएपछि शुक्रबार बिहानदेखि भेन्टिलेटरमा राखेर उपचार भइरहेको थियो ,तर बेलुका उनको मृत्यु भएको मेडिकल कलेजका मेडिकल निर्देशक राजु शाक्यले जानकारी दिए । ती महिला मुटु रोगीसमेत रहेको शाक्यले बताए ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम