काठमाडौं । सन २०१९ मा न्युजील्यान्डको दुई मस्जिदमा प्रार्थनामा भेला भएका ५१ जना मुसलमानहरूको हत्या गर्ने आतंकवादीलाई त्यहाँको अदालतले आजीवन कारावासको सजाय सुनाएको छ ।
अदालतको फैसलाले उनलाई कडा सजय सुनाएको छ । न्युजील्यान्डको इतिहासमा यति कडा सजाय पाउने उनी पहिलो व्यक्ति हुन् ।
ब्रेन्टन टारान्ट नाम गरेका २९ वर्षीय आतंकवादीलाई बिहीवार सजाय दिइएको हो । क्राइस्टचर्चका दुईवटा मस्जिदहरुमा उनले पुरुष, महिला र बालबालिका गरी ५१ जनाको हत्या गरेका थिए । ३ वर्षका बालक समेत हत्याको सिकार भएका थिए ।