झापामा पुनः पाच दिन लकडाउन घोषण

 कोर खबर   १८ सावन, २०७७


झापा। कोरोना भाइरस सन्त्रासका कारण झापाको अर्जुनधारा नगरपालिकाले कोरोना भाइरसको थप संक्रमण हुन नदिन नगर क्षेत्र बन्दाबन्दी (लकडाउन) गरेको छ। 

नगरको कोभिड क्राइसिस म्यानेजमेन्ट कमिटी (सिसीएमसी) को हिजो बसेको बैठकले आज बिहानदेखि २२ साउनसम्म बन्दाबन्दी गर्ने निर्णय गरेको हो। 

केही दिनअघि अर्जुनधारा(१) का एक व्यक्तिमा कोरोना भाइरसको संक्रमण पुष्टि भएपछि नगरपालिकाले सो निर्णय गरेको नगरप्रमुख हरि रानाले बताए। 

संक्रमित व्यक्तिसँग रहेकाहरूको कन्ट्याक्ट ट्रेसिङ गर्न सहज होस र थप समुदायमा नफैलियोस भनेर लकडाउन गरिएनो रानाले जानकारी दिए। लकडाउन अवधिभर निजी तथा भाडाका गाडी, मोटरसाइकलसमेत पूर्णरूपमा बन्द गर्ने निर्णय भएको छ। 

तर, सरकारी, बैंक, वित्तीय संस्थालगायतका कार्यालय खुल्नेछन्। त्यहाँ कार्यरत कर्मचारीले भने संस्थाको परिचयपत्र लगाएर मोटरसाइकल सञ्चालन गर्न पाउने मापदण्ड बनाइएको छ।

बिहान ८ बजेदेखि ११ बजेसम्म भने सबै प्रकारका व्यापार व्यवसाय भने सञ्चालन गर्न पाउने निर्णय गरिएको छ। 



 प्रतिक्रिया


विज्ञापन

 


प्रकाशक : हरिराम रिमाल
सम्पादक : बद्री प्रसाद रिमाल
विभाग दर्ता नं. : ९७९-०७५-०७६
×
annapurna post