कला तथा मनोरञ्जन

रहेनन् स्रष्टा टीका चाम्लिङ

नेपाली गीत, कविता र संस्कृतिका क्षेत्रमा लामो समयदेखि योगदान पुर्‍याउँदै आएका टीका चाम्लिङ खोटाङमा जन्मिएका स्थापित गीतकार, कवि र संस्कृतिकर्मी हुन्।

उनको वास्तविक नाम टीकाराम राई हो। उनी दिक्तेल–रुपाकोट–मझुवागढी नगरपालिका–१३, नुनथला, खाम्लामा २०३० माघ ४ गते जन्मिएका हुन्। गीत, कविता, गीतिकाव्य तथा यात्रासंस्मरण लागेका उनका दुई सयभन्दा बढी गीत विभिन्न गायक–गायिकाको स्वरमा रेकर्ड भएका छन्।

गीतिअडियो–२०५८ राखौँ सम्झना, लोकजुहारी शब्द सङ्कलन–२०५९, सोमबारे हाटैमा, लोकजुहारी शब्द सङ्कलन–२०५९ मा रहेका छन्। उनकाे सपनाको रङ (२०६०), समयको रङ (२०६४), जूनको बस्ती (२०६८), मुन्दुम र मालिङ्गो (२०७१) गीतिसंग्रह तथा बागी कविता (२०८०) लगायतका कृति प्रकाशित छन्।

विज्ञापन

नेपाली प्रतिभा प्रतिष्ठान, बेलायतको प्रतिभा पुरस्कार (२०७३), खेमराज गुरुङ प्रतिभा पुरस्कार (२०८१) जस्ता विविध सम्मानबाट उनी सम्मानित स्रष्टा छन्।

कवि तथा गीतकारका रूपमा सम्मानित उनी रेडियो नेपालबाट आयोजित आधुनिक संगीत सम्मेलनमा प्रथम र रेडियो नेपाल लगायत दर्जनभन्दा बढी संस्थाबाट पुरस्कृत भएको पनि पाइन्छ।

नेपाल संगीत तथा नाट्य प्रज्ञाप्रतिष्ठानको प्राज्ञसभा सदस्य,गीतकार संघ नेपालका सदस्य, साहित्य, गीतसङ्गीत, लोकसंस्कृति तथा मुन्दुमसम्बन्धी खोज र अनुसन्धानमा सक्रिय थिए।

जाउँ सङ्गी गाउँघरैमा, आलु तामाले उनका चर्चित गीत हुन्। नेपाली गीतिसाहित्यका क्षेत्रमा लामो समयदेखि क्रियाशील उनी गीत लेखनसँगै गीतिकाव्य, कविता र लोकसंस्कृतिको संरक्षण तथा प्रवर्द्धनमा उनको योगदान छ। उनका प्रकाशित कृति र प्राप्त सम्मानले नेपाली साहित्य तथा सङ्गीत क्षेत्रमा उनको सिर्जनात्मक यात्रालाई परिचित गराउँछन्।

रावासावा प्राज्ञिक समाज नेपालका पूर्व अध्यक्ष लाेकप्रिय गीतकार चाम्लिङ क्यान्सर राेगले थलिएका थिए। संगीत तथा नाट्य प्राङ्गणमा १० बजे श्रद्धाञ्जली सभापछि खोटाङ लाने तयारी भइरहेकाे पारिवारिक स्राेतले जनाएकाे छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

कला तथा मनोरञ्जन बाट थप

थप — कला तथा मनोरञ्जन

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।