खेलकुद

न्युजिल्यान्डविरुद्धको पहिलो टेस्टमा भारत बलियो स्थितिमा, पहिलो इनिङ्समा ७२० रनको उच्च योगफल

न्युजिल्यान्डविरुद्धको पहिलो टेस्ट क्रिकेटमा भारत बलियो स्थितिमा पुगेको छ। चौथो दिनको खेलको समाप्तिमा न्युजिल्यान्ड २३३ रनले पछि परेपछि भारत बलियो स्थितिमा देखिएको हो।

चौथो दिनको समाप्तिमा किविज टोलीले २ विकेट गुमाएर ११९ रन बनाएको छ। क्याप्टेन टम लाथम शुन्य रनमा र हेन्री निकोल्स ३१ रनमा आउट भए। डेभोन कोन्वे ५९ र रचिन रबिन्द्र २७ रनमा नटआउट छन्।

पहिलो टेस्ट बचाउन न्युजिल्यान्डलाई पाँचौ तथा अन्तिम दिनभर क्रिजमा रहनु पर्नेछ भने भारतलाई जितका लागि ८ विकेट आवश्यक रहनेछ।

विज्ञापन

यसअघि ४ विकेटको क्षतिमा ४८६ रनबाट चौथो दिनको खेल थालेको भारतले पहिलो इनिङस ९ विकेटको क्षतिमा ७२० रनमा डिक्लियर गरेको थियो। यो अन्तर्राष्ट्रिय क्रिकेटमा भारतले बनाएको सर्वाधिक दोस्रो उच्च योगफल हो।

भारतका लागि केएल राहुलले १३६ र रिसब पन्तले १२८ रन बनाए। कप्तान शुभमन गिल शतक बनाउन २ रनले चुक्दा यसस्वी जैसवालले ८५, देभदत्त पाडिकलले ८० र ध्रुव जुरेलले ७८ रन बनाए।

न्युजिल्यान्डका लागि ग्लेन फिलिप्सले ३ र रचिन रबिन्द्रले २ विकेट लिए।

विलिङ्टनमा घरेलु टोली न्युजिल्यान्डले पहिलो इनिङ्समा ३६८ रन बनाएको थियो।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

खेलकुद बाट थप

थप — खेलकुद

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।