दसैँअघि नै उखु किसानलाई अनुदान दिन निर्देशन

कृषि, वन तथा पर्यावरण मन्त्री गिता चौधरीले दसैँअघि नै उखु किसानलाई अनुदान रकम भुक्तानी गर्न निर्देशन दिएकी छन्।

मन्त्रालयमा आज बसेको वरिष्ठ व्यवस्थापन टोली (एसएमटी) को बैठकमा उनले उखु उत्पादन अनुदानसम्बन्धी भुक्तानी कार्यविधि स्वीकृत भइसकेकाले दसैँअघि नै किसानको हातमा रकम पुग्ने व्यवस्था मिलाउन निर्देशन दिएकी हुन्।

उखु उत्पादक किसानलाई प्रोत्साहन गर्न अनुदान वितरणसम्बन्धी कार्यविधि २०८३ स्वीकृत भइसकेको छ। आर्थिक वर्ष २०८३/८४ का लागि एक अर्ब ५० करोड ५० हजार रुपैयाँ अनुदान निकासा भएको छ।

विज्ञापन

किसानले समयमै अनुदान पाउनुपर्नेमा जोड दिँदै मन्त्री चौधरीले भुक्तानी प्रक्रियामा ढिलाइ नगर्न सम्बन्धित निकायलाई निर्देशन दिएकी छन्।