सडक विभागले धादिङको गल्छी नजिक ग्यास बुलेट पल्टिएकोले गलौँदी पुग्न समस्या भएको जनाएको छ।
शुक्रबार एक सूचना जारी गर्दै विभागले पृथ्वीराजमार्गअन्तर्गत गल्छी नजिक मछेडीमा ग्यास बुलेट पल्टिँदा सडक भासिएको ठाउँमा पुग्न समस्या भएको जनाएको छ।
विभागको अनुसार बुलेटबाट ग्यास लिक भइरहेका कारण गलौँदी क्षेत्रमा पुग्न अवरोध भएको छ। गलौँदीमा भासिएको सडक खुलाउन ब्याक कटिङ गर्नुपर्ने हुँदा ग्यास बुलेटका कारण त्यहाँ पुग्न गाह्रो भइरहेको जनाएको छ।
विज्ञापन
यस्तै, रात पनि परिसकेकाले त्यहाँको अवस्था हेरेर टीम परिचालन हुने विभागले जनाएको छ।
दसैँको मुखमा सडक अवरुद्ध भएपछि पृथ्वीराजमार्ग अन्तर्गत काठमाडौं–मुग्लिन यात्रा गर्ने सवारीसाधन प्रभावित भएका छन्।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।