अपराध

काभ्रेको रिसोर्टबाट ४० विदेशी नागरिक पक्राउ, ३५ जना जापानी

काभ्रेको एक रिसोर्टबाट प्रहरीले ४० जना विदेशी नागरिकलाई नियन्त्रणमा लिएको छ। पक्राउ पर्नेमा ३५ जना जापानी र पाँच जना चिनियाँ नागरिक रहेका छन्।

बुधबार बिहान करिब ११ बजे पनौतीस्थित बल्थली माउन्टेन रिसोर्टबाट उनीहरूलाई नियन्त्रणमा लिइएको प्रहरीले जनाएको छ।

उनीहरूले उक्त रिसोर्ट नै भाडामा लिएर बसेको खुलेको छ। प्रहरीले उनीहरूलाई नियन्त्रणमा लिनुको कारण भने खुलाएको छैन।

विज्ञापन

उनीहरूको गतिविधि र नेपाल बसाइको उद्देश्यबारे अनुसन्धान भइरहेको छ। नियन्त्रणमा लिइएका सबैलाई थप अनुसन्धान तथा आवश्यक कारबाहीका लागि अध्यागमन विभागमा बुझाइएको प्रहरीले जनाएको छ।

यसअघि मंगलबार पनि काभ्रेकै अर्को रिसोर्टबाट ३६ जना चिनियाँ नागरिक पक्राउ परेका थिए। उनीहरू बसेको रिसोर्टबाट प्रहरीले ४९ थान ल्यापटप र १५५ थान मोबाइल फोनसमेत बरामद गरेको थियो। उनीहरू अनलाइन ठगीमा संलग्न रहेको आशंकामा प्रहरीले अनुसन्धान गरिरहेको छ।

लगातार दुई दिन काभ्रेका विभिन्न रिसोर्टबाट विदेशी नागरिक पक्राउ परेपछि प्रहरीले उनीहरूको गतिविधिमाथि निगरानी र अनुसन्धान तीव्र बनाएको छ।

यद्यपि, बल्थली माउन्टेन रिसोर्टबाट पक्राउ परेका ४० जना विदेशी नागरिक कुनै गैरकानुनी गतिविधिमा संलग्न रहेको अहिलेसम्म पुष्टि नभएको प्रहरीले जनाएको छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

अपराध बाट थप

थप — अपराध

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।