नेपाली कांग्रेसको १५औं महाधिवेशनमा उम्मेदवारी दर्ताको चटारो चलिरहँदा एक्कासी परेको भीषण वर्षाले राष्ट्रिय सभागृह परिसरमा रहेका नेता तथा कार्यकर्ता निथ्रुक्कै भिजेका छन्।
महाधिवेशनको तेस्रो दिन मंगलबार सभागृहमा मनोनयन दर्ता प्रक्रिया जारी रहेकै बेला पानी परेपछि प्रतिनिधिहरू हतार-हतार ओत खोज्न बाध्य भए। खुला चौरमा रहेका अधिकांश नेता-कार्यकर्ता पानीबाट जोगिन दौडादौड गरे पनि रुझ्नुपरेको थियो।
निर्वाचन समितिका अनुसार विभिन्न पदका लागि मनोनयन दर्ता गराउने समय साँझ ६ बजेसम्म तोकिएको छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।