नेपाल प्रिमियर लिग (एनपीएल) मा सुदूरपश्चिम रोएल्सले काठमाण्डौं गोर्खाजसामु १२६ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा काठमाडौंले टस जितेर फिल्डिङ रोजेपछि ब्याटिङ गरेको सुदूरपश्चिमले निर्धारित ओभरमा ६ विकेट गुमाएर १२५ रन बनाएको हो।
सुदूरका लागि कप्तान दीपेन्द्र सिंह ऐरीले ६० रनको योगदान गरे। ५५ बलको सामना गरेका उनले ५ चौका र २ छक्का प्रहार गरे। आरिफ शेख १६ रनमा आउट हुँदा थारिन्दु रत्नायकेले नटआउट २६ रनको योगदान गरे।
विज्ञापन
मात्र ८ रन जोड्दा ४ विकेट गुमाएको स्थिति सम्हाल्दै दीपेन्द्रले आरिफसँग र थारिन्दुसँग समान ५४ रनको साझेदारी गरे।
काठमाडौंका लागि जहान्द खानले ३ र सन्तोष यादवले २ विकेट लिए।
आजको खेलको विजेताले प्लेअफमा स्थान बनाउनेछ। दोस्रो र तेस्रो स्थानमा रहेका दुवै टोलीको समान ८ अंक छ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।