खेलकुद

एकै ओभरमा करण केसीको दोहोरो झट्का, शतकनजिक पुगेका दुवै ब्याटर आउट

नेपाल प्रिमियर लिग (एनपिएल) अन्तर्गत काठमाडौंविरुद्धको खेलमा पोखरा एभेन्जर्सले १९ ओभरको समाप्तिमा ३ विकेट गुमाएर २०९ रन बनाएको छ।

१९औं ओभरमा बलिङ गरेका काठमाडौंका करण केसीले शतकनजिक पुगेका पोखराका दुवै सेट ब्याटर कुशल भुर्तेल र युवराज सम्रालाई आउट गर्दै दोहोरो झट्का दिएका हुन्।

पोखराले १८.२ ओभरमा २०३ रन हुँदा कुशल भुर्तेललाई ९९ रनमा गुमाएको थियो भने सोही ओभरको पाँचौँ बलमा २०८ रन हुँदा युवराज सम्रा पनि आउट भए। सम्राले ५५ बलमा ८ चौका र ५ छक्काको मद्दतले ८९ रन जोडे र करण केसीकै बलमा सार्कीबाट क्याचआउट भए।

विज्ञापन

यसअघि १ रनले शतकबाट चुकेका भुर्तेलले ५१ बलमा ८ चौका र ८ छक्कासहित १९४.११ को स्ट्राइक रेटमा ९९ रन बनाएका थिए। उनी करण केसीको बलमा विकेटकिपर पटेलबाट समातिएका थिए। सम्रा र भुर्तेलबीच दोस्रो विकेटका लागि १६ ओभरमा १८६ रनको विशाल साझेदारी भएको थियो।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

खेलकुद बाट थप

थप — खेलकुद

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।