खेलकुद

सुदूरपश्चिमविरुद्ध दबाबमा चितवन, इनिङ सम्हाल्दै मलान

नेपाल प्रिमियर लिग (एनपीएल) को क्वालिफायर्स-२ मा सुदूरपश्चिम रोयल्सविरुद्ध पहिले ब्याटिङ गरिरहेको चितवन राइनोजले ८.२ ओभरमा ३ विकेट गुमाएर ५२ रन बनाएको छ।

कीर्तिपुरमा टस जितेर ब्याटिङ रोजेको चितवनले पावरप्लेमा ३२ रन जोड्दा ३ विकेट गुमाएको थियो। हाल क्रिजमा रहेका डेविड मलान २३ बलमा ५ चौका र १ छक्कासहित ३२ तथा विवेक यादव ७ बलमा २ रन बनाएर खेलिरहेका छन्।

चितवनले १.३ ओभरमा १५ रनको स्कोरमा ओपनर कामिल मिशारालाई ४ रनमा गुमायो। त्यसलगत्तै २.३ ओभरमा सोही स्कोरमा अर्का ओपनर देव खनाल ६ रनमा आउट भए कप्तान रवि बोपारा पनि ५.४ ओभरमा १ रनमै पभेलियन फर्किए।

विज्ञापन

सुदूरपश्चिमका बलरमध्ये स्कट कुगेलेइनले मिशारालाई, कप्तान दीपेन्द्रसिंह ऐरीले खनाललाई र हेमन्त धामीले बोपारालाई आउट गरे।

बलिङमा ऐरीले ३ ओभरमा १ मेडन राख्दै १५ रन खर्चिए भने कुगेलेइनले २ ओभरमा १२ र धामीले २ ओभरमा १४ रन दिएका छन्।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

खेलकुद बाट थप

थप — खेलकुद

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।