समाज

मकवानपुरमा कारबाट ११७ किलो गाँजा बरामद, चालक फरार

मकवानपुरको भैंसेमा प्रहरीले कारबाट ११७ किलो ९१० ग्राम गाँजा बरामद गरेको छ। गाँजा बोकेको कारका चालक भने फरार भएका छन्।

जिल्ला प्रहरी कार्यालय मकवानपुरका अनुसार बुधबार राति करिब १ बजेर ४० मिनेटको समयमा भैंसे चेकपोस्टमा नियमित जाँचका क्रममा गाँजा बरामद भएको हो।

पालुङबाट भैंसेतर्फ आउँदै गरेको बा.अ.ब. ४४३१ नम्बरको कारलाई प्रहरी चौकी भैंसेबाट खटिएको टोलीले रोकेर जाँच गर्न खोजेको थियो। सो क्रममा चालकले ‘केही छैन सर’ भन्दै प्रहरीलाई छल्दै फरार भएका थिए।

विज्ञापन

त्यसपछि प्रहरीले कारको पछाडिको डिकी खोलेर जाँच गर्दा साना–ठूला गरी नौ वटा पोकामा राखिएको ११७ किलो ९१० ग्राम गाँजा फेला पारेको थियो।

सोपछि जिल्ला प्रहरी कार्यालय मकवानपुरबाट प्रहरी निरीक्षक कृष्ण दासको कमान्डमा थप टोली परिचालन गरिएको थियो।

प्रहरीले बिहान ४ बजेर ४५ मिनेटमा उक्त कार र बरामद गाँजा जिल्ला प्रहरी कार्यालय मकवानपुरमा ल्याएको जनाएको छ।

फरार चालकको खोजी भइरहेको र घटनाबारे थप अनुसन्धान भइरहेको प्रहरीले जनाएको छ।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

समाज बाट थप

थप — समाज

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।