अन्तर्राष्ट्रिय

बंगालको खाडीमा शक्तिशाली चक्रवात ‘अकवान’, गति १४५ किमि प्रतिघण्टासम्म पुग्ने चेतावनी

बंगालको खाडीमा बनेको चक्रवात अकवान शक्तिशाली आँधीमा परिणत हुँदैछ।

भारतीय मौसम विज्ञान विभाग (आईएमडी) का अनुसार यो चक्रवात बिहीबार बिहानसम्म अति शक्तिशाली चक्रवातमा परिणत हुने सम्भावना छ। शुक्रबार दिउँसो आन्ध्र प्रदेशको तटमा ठोक्किने अनुमान गरिएको छ।

आईएमडीले चक्रवातका कारण १२० देखि १३० किलोमिटर प्रतिघण्टाको गतिमा हावा चल्ने र हावाको गति १४५ किलोमिटर प्रतिघण्टासम्म पुग्न सक्ने चेतावनी दिएको छ। आन्ध्र प्रदेश र ओडिशाका तटीय क्षेत्रमा भारीदेखि अति भारी वर्षा हुने अनुमान गरिएको छ। तमिलनाडु र आसपासका क्षेत्रमा पनि भारी वर्षाको सम्भावना छ।

विज्ञापन

भारतीय सञ्चारमाध्यमका अनुसार चक्रवात अकवान शुक्रबार नेल्लोर र तुनीबीचको तटीय क्षेत्रमा प्रवेश गर्ने अनुमान गरिएको छ।

यसअघि आन्ध्र प्रदेशमा अर्णब र मुरासु नामका दुई चक्रवातले असर पुर्‍याइसकेका छन्। अर्णब चक्रवातको प्रभाव नेपालसम्म पनि देखिएको थियो। तीन साताभित्र आन्ध्र प्रदेशमा पुग्न लागेको अकवान तेस्रो चक्रवात हो। अघिल्ला दुई चक्रवातका कारण राज्यमा करिब सात हजार करोड भारतीय रुपैयाँ बराबरको बालीनालीमा क्षति पुगेको थियो।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

अन्तर्राष्ट्रिय बाट थप

थप — अन्तर्राष्ट्रिय

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।