समाज

फुकोट कर्णाली आयोजना अघि बढाउन ऊर्जामन्त्रीलाई ज्ञापनपत्र

कालीकोटमा उत्पादन हुने फुकोट कर्णाली जलविद्युत् आयोजनाको निर्माण कार्य शीघ्र अघि बढाउन माग गर्दै ऊर्जा, जलस्रोत तथा सिँचाइ मन्त्री विराजभक्त श्रेष्ठसमक्ष ज्ञापनपत्र बुझाइएको छ।

राष्ट्रिय स्वतन्त्र पार्टीका कर्णाली प्रदेश उपसभापति तुलराज शाहीसहितको टोलीले आज मन्त्रालयमा मन्त्री श्रेष्ठलाई भेट गरी आयोजनामा देखिएका समस्या समाधान गर्न माग गर्दै ज्ञापनपत्र बुझाएको हो।

ज्ञापन पत्रमार्फत कर्णाली प्रदेशसँगै समग्र देशको आर्थिक समृद्धिका लागि महत्त्वपूर्ण मानिएको फुकोट कर्णाली जलविद्युत् आयोजनाको निर्माण प्रक्रिया तीव्र बनाउन आग्रह गरिएको हो।

विज्ञापन

त्यसैगरी, सम्माननीय प्रधानमन्त्रीको आसन्न भारत भ्रमणका क्रममा उक्त आयोजनालाई उच्चस्तरीय भेटघाट तथा छलफलको एजेन्डामा समावेश गरी आवश्यक कूटनीतिक पहल गर्नसमेत अनुरोध गरिएको शाहीले जानकारी दिए।

भेटका क्रममा मन्त्री श्रेष्ठले आफू पनि फुकोट कर्णाली आयोजनाको विषयमा लागिरहेको उल्लेख गर्दै यसको कार्यान्वयनका लागि थप पहल गर्ने प्रतिबद्धता व्यक्त गरे।

मन्त्रीसँगको भेटमा फुकोट कर्णाली आयोजनाका अतिरिक्त कर्णाली प्रदेशका समसामयिक विषय तथा विभिन्न विकास निर्माणका समस्याबारे समेत छलफल गरिएको थियो।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

समाज बाट थप

थप — समाज

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।