राजनीति

प्रधानमन्त्री शाहको भारत भ्रमण भेटघाटमा मात्रै सीमित नहोस् : पूर्वपरराष्ट्रमन्त्री ज्ञवाली

नेकपा एमाले नेता एवं पूर्वपरराष्ट्रमन्त्री प्रदीप ज्ञवालीले प्रधानमन्त्री बालेन्द्र शाहले भारत भ्रमण भेटघाट र औपचारिक सहमतिमा सीमित गर्न नहुने बताएका छन्। नागरिकसँगको कुराकानीमा पूर्वपरराष्ट्रमन्त्रीसमेत रहेका ज्ञवालीले नेपालको राष्ट्रिय हितसँग जोडिएका विषयलाई स्पष्ट रूपमा उठाउनुपर्ने बताएका हुन्।

सीमा विवाद सबैभन्दा महत्त्वपूर्ण विषय भएको बताउँदै ज्ञवालीले भने, ‘आत्मविश्वासका साथ प्रस्तुत हुनुहोस्। जे समस्याहरू छन्, तिनीहरूलाई गुन्द्रीमुनि लुकाउनुपर्ने जरुरी छैन।’

भारतीय राजनीतिक नेतृत्वले नेपालले मात्रै नभएर अरू छिमेकीहरूले आफ्ना कुरामा होमा हो मिलाउन् भन्ने चाहने गरेको उनले बताए। ‘आफ्नो पोलिसीहरूमा अलाइन गरिदिउन्, आफ्नो ग्रान्ड स्ट्राटेजी हुन्छ, त्यो स्ट्राटेजीको एउटा पार्ट बनुन् भन्ने खालको चाहना कहीं न कहीं राख्ने एउटा मानसिकता छ,’ उनले भने, ‘त्यो मानसिकता नेपालले स्वीकार गर्न सक्दैन।’

विज्ञापन

नेपाल सार्वभौम राष्ट्र भएको जनाउँदै उनले थपे, ‘भारतले हामीबाट गर्ने अपेक्षा नेपालले आफ्नो भूमि भारतको विरुद्ध प्रयोग हुन नदेओस्, भारतका विरुद्धको कुनै पनि अलायन्समा नलागोस्, भारतको राष्ट्रिय हितमा आघात हुने खालको कुनै काम नगरोस् भन्नेभन्दा बढ्ता अपेक्षा राख्नु हुँदैन।’

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

राजनीति बाट थप

थप — राजनीति

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।