राजनीति

जनकपुरधामबाट रविले भने- मधेसले जाति छोड्यो, पहाडले पार्टी छोड्यो

रास्वपा सभापति रवि लामिछानेले मधेसले जाति र पहाडले पार्टी छोडेको उल्लेख गर्दै अब नेपाली जनतालाई अझै सार्वभौम बनाउनुपर्ने बताएका छन्।

जनकपुरधामस्थित जानकी मन्दिर परिसरबाट पार्टीका नेता अमरेशकुमार सिंहको मेची-महाकाली पदयात्रालाई शुभकामना दिँदै उनले यस्तो बताएका हुन्।

छठ पर्वको अवसरमा पूजाआजाका लागि जनकपुरधाम पुगेका सभापति लामिछानेले सिंहको पदयात्रा राजनीति र दलभन्दा धेरै माथि उठेर देशमा सद्भाव तथा राष्ट्रिय एकताको सन्देश दिन सफल हुने विश्वास व्यक्त गरे।

विज्ञापन

नेता सिंहले पहिलेदेखि नै हिमाल, पहाड र मधेस अर्थात् सिङ्गो देश जोड्ने गरी मेचीदेखि महाकालीसम्म पदयात्रा गर्ने बताउँदै आएको उनले उल्लेख गरे।

छठ जस्तो पवित्र बेला र जनकपुरधाम जस्तो पवित्र स्थलबाटै सद्भावको सुरुवात गर्न लागिएको उनले बताए। देशलाई शिरमा राखेर जाति, लिङ्ग, धर्म, सम्प्रदाय र भूगोल सबैलाई जोड्ने यात्रा सुरु गर्न उनले सिंहलाई शुभकामना दिए।

सभापति लामिछानेले लामो समयदेखि राजनीतिमा सक्रिय रहेका नेता सिंहका लागि रास्वपा नै अन्तिम गन्तव्य बन्ने र यहीँबाट निकास निस्किने विश्वास लिएको बताए। उनले यसपटकको निर्वाचनको सन्दर्भ कोट्याउँदै सद्भावपूर्ण यात्रा सफल रहोस् भन्ने शुभकामनासमेत व्यक्त गरे।

सो अवसरमा उनले जानकी मन्दिर प्राङ्गणमा उपस्थित भक्तजन तथा सर्वसाधारणलाई धन्यवाद दिएका थिए।

यो समाचार पढेर तपाईंलाई कस्तो लाग्यो?

लेखकको बारेमा

प्रतिक्रियाहरू

कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। आवश्यक फिल्डहरूमा * चिन्ह लगाइएको छ

अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।

राजनीति बाट थप

थप — राजनीति

प्रीति ⇄ युनिकोड कन्भर्टर

रूपान्तरण पूर्ण रूपमा तपाईंको ब्राउजरमै हुन्छ; तपाईंको पाठ कतै पठाइँदैन।