एसिया कप राइजिङ स्टार्स प्रतियोगिताको आफ्नो पहिलो खेलमा नेपालले अहिले भारत ए सँग प्रतिस्पर्धा गरिरहेको छ। दोहामा नेपालले टस जितेर फिल्डिङ रोजेपछि ब्याटिङ गरेको भारत उच्च योगफल उन्मुख भएको छ।
४२ रन जोड्दा आफ्नो सुरुवाती ३ विकेट गुमाएको भारतको इनिङ्स कप्तान तिलक वर्मा र कुमार कुसाग्राले सम्हालेका छन्। उनीहरुले २ सय ६ रनको साझेदारी गरेपछि भारत उच्च योगफल उन्मुख भएको हो। कुमार ११७ रनमा आउट भए। तिलक शतक उन्मुख छन्। ललित राजवंशीले कुमारलाई बोल्ड गर्दै साझेदारी तोडेका हुन्।
४४ ओभरको समाप्तिमा भारतले ४ विकेट गुमाएर २६७ रन बनाएको छ।

यसअघि वैभव सूर्यवंशी २६, अभिशेख शर्मा ९ र आयुश बडोनी २ रनमा आउट भए।
ललितले २ विकेट लिँदा नन्दन यादव र पवन सर्राफको नाममा एकएक विकेट छ।


प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।