इटहरी उपमहानगरपालिका वडा नं. ७ मा शनिबार साँझ श्रीमान मृत्यु भएको केही समयपछि श्रीमती पनि मृत्यु भएको छ ।
इटहरी वडा नं. ७ का ५५ वर्षीय रामकुमार चौधरीको मृत्यु भएको केही समयपछि उनकी ५२ वर्षीया श्रीमती कञ्चन चौधरीको मृत्यु भएको हो ।
वडा सदस्य दिपक घिमिरेका अनुसार रामकुमार अचानक बिरामी भएको र कञ्चन पनि केही दिनदेखि ज्वरो आइरहेपनि के कारणले मृत्यु भएको खुल्न सकेको छैन् ।
इलाका प्रहरी कार्यालय दुवैको पोष्टमार्टमका लागि वीपी कोइराला स्वास्थ्य विज्ञान प्रतिष्ठान धरान लगेको छ । घटना के कारणले भयो ? भनेर अनुसन्धान भइरहेको इटहरीका डिएसपी सुभाष हमालले बताए ।
मृतकमध्ये रामकुमारलाई शनिबार ज्वरो र बान्ता भएको थियो । कञ्चनलाई बान्ता र पखाला लागेको थियो । रामकुमारको मृत्यु भएको केही समयपछि कञ्चन ढलेर गाह्रो भएपछि अस्पताल लगिएकोमा उपचारकै क्रममा मृत्यु भएको गाउँलेले जनाएका छन ।
प्रतिक्रियाहरू
कृपया सभ्य र मर्यादित भाषामा प्रतिक्रिया दिनुहोस्। अपमानजनक, मानहानिकारक वा घृणा फैलाउने प्रतिक्रियाहरू हटाइनेछन्।
अहिलेसम्म कुनै प्रतिक्रिया छैन। आफ्नो विचार राख्ने पहिलो व्यक्ति बन्नुहोस्।