माघ २५, वीरगञ्ज। जिल्ला प्रहरी कार्यालय पर्साले ९ केजी २० ग्राम लागु औषध चरेससहित एक जनालाई पक्राउ गरेको छ। बिशेष सूचनाको आधारमा शनिबार बहुदरमाई नगरपालिका–७ बिश्रामपुरका ६० बर्षिय मुसलीम देवानलाई पक्राउ गरिएको प्रहरी उपरीक्षक बेल बहादुर पाण्डेले जानकारी दिए।
जिल्ला प्रहरी कार्यालयबाट खटिएको प्रहरी टोलीले बिक्री वितरण गर्ने उद्देश्यले घरमा लुकाई छिपाई राखेको अवस्थामा ९ केजी चरेस फेला पारी बरमद गर्नुका साथै देवानलाई पनि पक्राउ गरेको हो।
घर खानतलासी गर्ने क्रममा ५०० ग्रामको १२ पोका र २५० ग्रामको १२ पोका गरी जम्मा लागु औषध चरेश ९ के.जी. २० ग्राम चरेश र चरेश बनाउने लासा ९२० ग्राम साथै चरेश पेल्ने मेसिन ३ थान फेला परेको थियो।
मुसलीम देवानलाई बरामद भएको लागु औषध चरेश सहित पक्राउ गरी जिल्ला प्रहरी कार्यालयमा ल्याइ आवश्यक अनुसन्धान कार्य भईरहेको पनि प्रहरी उपरीक्षक पाण्डेले जानकारी दिए।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम