१९ माघ, वीरगंज । पर्सा प्रहरीले हुन्डी कारोबार गरेको आशंकामा वीरगंज ९ घण्टाघरस्थित मनोकामना मनी चेन्जरमा छापा हानेको छ।
आइतवार दिउँसो छापा हानी प्रहरीले त्यहाँबाट ठुलो परिमाणमा भारु र नेपाली रुपैयाँ बरामद गरेको छ । मनी चेन्जर सञ्चालक गोपालप्रसाद सोनारलाई समेत प्रहरीले हिरासतमा लिएको छ।
विदेशी मुद्राको अवैध कारोबार भइरहेको भन्दै पूर्व सूचनाको अधारमा सञ्चालक सोनारलाई नियन्त्रणमा लिई खानतलासी गर्दा मनोकामना मनी चेन्जरबाट ५ लाख ८४ हजार १ सय भारु (करिब ९ लाख ३४ हजार रुपैयाँ) र ३ लाख ९२ हजार ९० नेपाली रुपैयाँ बरामद गरिएको हो। दुबै जोड्दा नेपाली रुपैया करिब १३ लाख हुन आउँछ।
पर्साका प्रहरी प्रवक्ता डिएसपी मनोजित कुवँरका अनुसार उक्त स्थानबाट प्रहरीले दुई सिमकार्ड र मोबाइल एक थान पनि बरामद गरी आवश्यक कारबाहीको लागि राजस्व अनुसन्धान कार्यालय पथलैया पठाएको छ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम