माघ ५, हेटौंडा । मकवानपुरमा एक महिला आफ्नै घरमा मृत अवस्थामा फेला परेकी छिन् । मकवानपुरगढी वडा नम्बर २ खोलेखेतमा ४६ बर्षिया श्रीमाया गोले मृत भेटिएकी हुन् ।
उनी मृत भेटिएपछि श्रीमानद्धारा श्रीमतीको हत्या गरेको आशंकामा प्रहरीले देवराज गोलेलाई पक्राउ गरेको छ । गोलेलाई थप अनुसन्धानको लागि प्रहरीले पक्राउ गरी जिल्ला प्रहरी कार्यालय मकवानपुर लगेको छ ।
महिलालाई गोलेले कुट्पिट् गरी भर्याङबाट खसालेर हत्या गरेको आरोप स्थानियको छ । गोलेले आइतबार साँझ खाना खाएपछिको सुत्ने समयको बेलामा हत्या गरेको हुन सक्ने स्थानीय राजाबिर मोक्तानको भनाइ छ ।
प्रहरीले घटनास्थल पुगेर अनुसन्धान थालेको छ । श्रीमानले श्रीमतीलाई यस अघिका समयमा पनि कुटपिट गर्ने तथा यातना दिने गरेको स्थानीयहरु बताउँछन् ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम