कात्तिक २०, काठमाडौँ । राजधानीको चाबहिलमा १६ वर्षीया किशोरीलाई ललाइफकाई जबरजस्तीकरणी गर्ने अभियुक्तलाई प्रहरीले पक्राउ गरेको छ । ती किशोरी कात्तिक २ गते बलात्कृत भएकी थिइन् ।
काठमाडौँ महानगरपालिका–७ चाबहिल बस्दै आएकी १६ वर्षीया किशोरीलाई ललाई फकाई प्रलोभनमा पारेर बलात्कार गर्ने २१ वर्षीय सुजन कार्की पक्राउ परेको महानगरीय अपराध महाशाखाले जनाएको छ ।
दोलखा शैलुङ्गेश्वर गाउँपालिका–३ घर भई काठमाडौँको सिफल बस्ने कार्कीलाई सामाखुसीबाट पक्राउ गरेको महानगरीय अपराध महाशाखाका प्रहरी बरिष्ठ उपरीक्षक (एसएसपी) दीपक थापाले बताए ।
‘बलात्कारपछि फरार भएका कार्की खोजी गर्ने क्रममा सामाखुसीबाट पक्राउ परेका हुन्, ‘एसएसपी थापाले भने, ‘थप अनुसन्धानको लागि कार्कीलाई महानगरीय प्रहरी वृत्त गौशाला पठाइएको छ ।’
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम