असोज २७,नवलपुर। जिल्ला प्रहरी कार्यालय नवलपरासी (बर्दघाट सुस्तापूर्व)ले जिल्लामा जुवातास बिरुद्धको अभियानलाई तिब्रता दिईरहेको छ । जुवातासलाई निर्मुल पार्ने भन्दै अभियानलाई तीब्र बनाइरहेका बेला जिल्लाकै सैनिक ब्यारेक भित्र भने जुवाको अड्डा नै रहेको खुलेको छ।
कावासोतीको हात्तीखोरस्थित वन तथा पर्यावरण सुरक्षा गण अन्तर्गतको राष्ट्रिय सेवा दल (एनसीसी) को ब्यारेकभित्रै जुवा अड्डा रहेको खुलासा भएको हो
दशैं, तिहार तथा छठ पर्वको मुखैमा जिल्ला प्रहरी कार्यालयले सुरक्षा अभियानलाई तीब्र पारिरहेका बेला सेनाकै ब्यारेकभित्र जुवा अड्डा फेला परेपछि ब्यारेकभित्रै छानबिन थालिएको सैनिक अधिकारीले बताएका छन् ।
केही दिनयता प्रहरीले जुवा खेलिरहेका सर्वसाधारणलाई जिल्लाको विभिन्न ठाउँबाट पक्राउ गर्दै कारबाही चलाईरहेको थियो । सदरमुकाम कावासोतीका विभन्न होटल तथा घरहरुमा नियमित जुवा खेलाउने अड्डा रहेको सूचना पाएपछि प्रहरीले खोजबिन थालेको थियो। जिल्लाको मध्यबिन्दु नगरपालिका २ कोल्हुवास्थित एक होटलमा जुवा खेलिरहेका चार जनालाई प्रहरीले पक्राउ पनि गरेको थियो ।
प्रहरीको अभियान चलिरहँदा सैनिक ब्यारेकभित्रै जुवा खेलाउन अड्डा बनाएको भेटिएपछि सैनिक ब्यारेक भित्र मात्र होइन, प्रहरी कार्यालयमै तरंग फैलिएको छ । सैनिक ब्यारेकभित्र जुवा खेल्ने अड्डा रहेको गुनासो प्रहरी कार्यालयमा पुगेपछि जिल्ला प्रशासनमार्फत सैनिक ब्यारेकका प्रमुख सेनानी कर्णेल शारदाभक्त माटाङगुलुङ्लाई जानकारी गराएको जिल्ला प्रहरी कार्यालय नवलपुरका प्रमुख प्रहरी उपरीक्षक प्रकाश मल्लले बताए । –फाईल फोटो
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम