असोज २,काठमान्डौ । राष्ट्रपति विद्यादेवी भण्डारीले संविधान दिवसको अवसर पारेर २ सय ८९ कैदीबन्दीको कैद माफी (मिनाहा) गर्नुभएको छ । मन्त्रिपरिषद्को सिफारिशमा राष्ट्रपति भण्डारीले असल चालचलन भएका २ सय ८९ कैदीबन्दीको कैद माफी (मिनाहा) गर्नुभएको हो।
सरकारले यसअघि पनि संविधान दिवसको अवसर पारेर चालचलन असल भएका कैदिबन्दीको कैद भुक्तानी माफी गर्ने गरेको थियो । यसैलाई निरन्तरता दिदै यसवर्ष पनि २ सय ८९ कैदीबन्दीलाई माफी दिई घर पठाउन लागीएको हो।
नेपालको संविधानको धारा २७६ , फौजदारी कसूर (सजाय निर्धारण तथा कार्यान्वयन) ऐन, २०७४ तथा फौजदारी कसूर (कैद कट्टा) नियमावली, २०७६ बमोजिम यही असोज ४ गतेदेखि लागू हुने गरी कैद माफी दिइएको राष्ट्रपति कार्यालयका प्रवक्ता हरिप्रसाद दहालले आज जारी गरेको विज्ञप्तिमा उल्लेख छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम