काठमाडौं । ललितपुरको अल्का अस्पतालमा कार्यरत कर्मचारी ३९ वर्षीय गीता केसीको हत्या भएको छ । हत्यापछी उनको शव गोदावारी नगरपालिका–१०, मुलडोलस्थित लेलेको जंगलमा भेटिएको हो ।
हत्याको आरोपमा भतिजा निर्मल केसी पक्राउ परेका छन् । उनलाई अहिले ललितपुर प्रहरी परिसर, जावलाखेलको हिरासतमा अनुसन्धान थालिएको छ ।
घाँटी थिचेर हत्या गरिएको हुनसक्ने प्रारम्भिक अनुसन्धानमा देखिएको छ । उनी हराएको भन्दै तीन दिनअघि महानगरीय प्रहरी परिसर, ललितपुरमा उजुरी परेपछि प्रहरीले खोजतलास गरिरहेकै बेला शुक्रबार साँझ लेलेको जंगलमा महिलाको शव भेटिएको थियो ।
हाल शवलाई पोष्टमार्टमका लागि पाटन अस्पताल लैजाने तयारी भइरहेको छ । केसीको शरीरमा अन्य चोटपटक देखिएको छैन । यद्यपि, पोष्टमार्टमपछि विस्तृत जानकारी आउनेछ ।
ललितपुर प्रहरीका डीएसपी सन्तोष तामाङका अनुसार हत्याको कारणबारे अनुसन्धान भइरहेको छ । शव पोस्टमार्टमका गरिदै छ ।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम