२४ मङ्सिर, काठमाडौं । राप्रपाका अध्यक्ष राजेन्द्र लिङदेनले आम नागरिकबीच राजनीतिमा वितृष्णा जागेको बताएका छन् । कांग्रेस महाधिवेशन उद्घाटन सत्रमा बोल्दै नेता लिङदेनले यस्तो बताएका हुन् ।
उनले भने, ‘सरकार, सरकारजस्तो छैन, संसद् संसद्जस्तो छैन, अदालत अदालतजस्तो छैन । यसलाई ठिक लगाउने राजनीतिक ठिक छैन । आज नेताप्रति जनताको विश्वास मरेको छ।’
उनले कांग्रेस नेपालको जेठो राजनीतिक दल भन्दै महाधिवेशनको पूर्णसफलता व्यक्त गरे। उनले भने, ‘२०४७ पछि देशमा बनेका कुनैपनि सरकारले कुनैपनि कार्यकाल पूरा गर्न सकेनन् । नफुटेको कुनै दल भएनन् । कान्छो दल विवेकशिल फुट्यो ।’
उनले राष्ट्र प्रमुखको रुपमा राजसंस्था, जनताले सोझै निर्वाचित गर्ने प्रधानमन्त्री, पूर्ण समानुपातिक संसद्, सांसद्ले मन्त्री हुन नपाउने नयाँ व्यवस्था लागू गरेर जान सल्लाह दिए।
प्रदेश १
प्रदेश २
बागमती
गण्डकी
प्रदेश ५
कर्णाली
सुदूरपश्चिम