‘बी’ डिभिजन लिग फागुन ११ देखि !

 कोरखबर   ९ पौष, २०७७


पौष ९,काठमाडौं ।  शहीद स्मारक ‘बी’ डिभिजन लिग फुटबल प्रतियोगिता फागुन ११ देखि सञ्चालन हुने भएको छ । अखिल नेपाल फुटबल संघ ९एन्फा० ले बुधबार प्रतियोगिताको मिति तय गरेको हो ।

कोरोना संक्रमण जोखिमका कारण गत चैत ५ मा प्रतियोगिता स्थगित गरिएको थियो । कोरोना संक्रमण घट्दै गएपछि एन्फाको  लिग कमिटीले प्रतियोगितामा सहभागी हुने क्लबसँग छलफल गरेर लिग पुनःसञ्चालन गर्ने निर्णय गरेको हो।

लिग अघि सबै खेलाडीको कोरोना परीक्षण गरिने र लिग सञ्चालनका क्रममा स्वास्थ्य सुरक्षा मापदण्ड पूर्ण रूपमा पालना गर्ने निर्णय पनि कमिटीले गरेको छ । लिगका लागि ‘बी’ डिभिजनमा रहेका क्लबलाई प्रतिक्लब २ लाख रूपैयाँका दरले सहयोग उपलब्ध गराइने एन्फाले जनाएको छ  ।



 प्रतिक्रिया


विज्ञापन

 


प्रकाशक : हरिराम रिमाल
सम्पादक : बद्री प्रसाद रिमाल
विभाग दर्ता नं. : ९७९-०७५-०७६
×
annapurna post